World Cup 2030 inthlen ṭawm tum

Argentina, Paraguay leh Uruguay ten 2030 World Cup inthlen ṭawm tuma an dilna turah Chile an tel ve dawn a, he thu hi Chile ram president Sebastian Pinera chuan Ningani khan a sawi a ni. 

Kum 2030 World Cup hi Uruguay-in 1930-a World Cup hmasa ber an thlen aṭanga a kum 100-na tur chiah a ni dawn a, 2017 khan Argentina, Paraguay leh Uruguay te chuan inthlen ṭawm an dil tur thu hi an lo puang daih tawh. 

Chile president Sebas­tian Pinera chuan, "Ar­gentina, Uruguay leh Para­guay te hnenah hian 2030 World Cup thlen dil tur zinga min telh ve turin ka lo dil tawh a, heng ram pathumte hian rem min tihsak a ni," a ti.

Kum 1962 khan Chile hian World Cup hi an lo thleng tawh a, South Ame­rica-a World Cup nghah hnu­hnung ber chu 2014 kha niin Brazil lamin an thleng a ni.