Norwegian club tana khel tur Ravel Morrison
Manchester United midfielder hlui Ravel Morrison chuan Swedish top-flight club Ostersunds FK chu short-term contract-in a zawm a, June thleng a khel dawn.
Kum 26 mi Morrison hi English rawlthar beiseiawm ber pawl nia sawi ṭhin a ni a, Manchester United captain hlui Rio Ferdinand chuan rawlthar player a hmuh tawh zinga talent ṭha ber pawl a nih thu a lo sawi tawh.
Mahse, khelmual pawn lamah Morrison hian buaina a neih fo avangin beisei a phak zui lo a, United tan match li chiah inlanin 2012 khan West Ham a pan a, Hammers aṭang hian Birmingham, QPR leh Cardiff-ah te loan-a khelin a chhuak.
Kum 2015 khan Lazio chu kum li chhung atan contract a ziak a, mahse Serie A club-ah pawh hian eng ruai ang loin Mexican club Atlas leh QPR-ah te loan-in an chhuahtir leh a ni.