UCL khelh phak a ngai - Gattuso

Hun harsa leh khirh­khan an paltlang hnuah AC Milan chuan result duhawm an nei chho mek a, manager Gennaro Gattuso chuan season thara Champions League khel phak turin Serie A-ah palina china an awm a ngaih thu a sawi.

European champion vawi sarih ni tawh Milan hian inelna hrang hranga an match hnuhnung pariatah chak loh an nei lo a, league match bikah game 23 an khelh aṭanga point 39 hmuin palina an nei mek - an hnuai chiaha awm Atalanta aia an sanna erawh point khat chauh a ni thung.

Milan manager Gat­tuso chuan, "Hliam leh boruak dang hrang hrang ten buaina min thlen ve ṭhina, tunah erawh kan inchingfel thawkhat ta niin ka hria. Table chunga awm Juventus, Napoli leh Inter Milan te hi kan elphak a ni tih kan inhrilh ngun a, umphak tumin thapui kan thawh zel ang.

"AC Milan jersey kan ha a nih chuan khelmual chhungah 100% rilru pek a ngai, hnehna chan piah lamah inelna lian UCL khel phak ngei tura hmasawn a ngai. Mi­lan chuan league ang bawkin a ropui tawhṭhinna European football a ngai pawimawh tur a ni," tiin a sawi.

Zanin dar 1:00 hian Ata­lanta khelmualah Mi­lan hi an lenglut dawn a, palina dinhmun sawhnghet tur chuan hnehna chan a pawimawh dawn a ni.