ATK beiseina FC Goa-in tihbo sak

Indian Super League-ah ATK tan semifinal khelh beiseina a tlem ta - Ningani zan khan FC Goa chuan 3-0 in an sawp a, table-ah parukna dinhmun luahin palina Mumbai City chu point rukin an thlau. 

Inkhel ṭan aṭanga minu­te khatna lekah Goan club-in Jackichand Singh hmangin goal hmahruai an khung a, ATK tan in­khelh a harsa nghal - first half-ah goal dang lut lo mah se FC Goa tan Ferran Corominas chuan second half-ah goal hnih a khung leh a, 3-0 in an chak. 

ATK tan ṭum dang ang bawkin Ricky Lal­lawmawma chuan inkhel bul a ṭan a, minute 90 a khel tluan. 

Zanin dar 7:30-ah Jam­­shed­pur FC-in Pune City an mikhual dawn a, Pathianni zan dar 7:30-ah Delhi Dyna­mos chuan Benga­luru FC an mikhual bawk ang.