Nadal-a ten champion lai mikhual dawn

Ram leh ram mipa tennis team hmanga inelna Davis Cup-ah Rafael Nadal a inlan dawn a, Grand Slam vawi 17 champion tawh Nadal-a te ram Spain hian champion lai Croatia an mikhual dawn.

Nadal hi tun hnaiah an ram tan a zawnin ṭum li a inlan tawh a, kumin aṭangin Davis Cup khelh dan phung an tihdanglam avangin November 18-14 chhung hian khelh a ni dawn a, inkhelhna tur hmun hi Spain khawpui Madrid-ah a ni ang.

Switzerland an tlin loh avangin Roger Federer a inlan dawn lo a, Britain fachuam Andy Murray-a'n chawlh a tum tawh bakah, world  number 1 Novak Djokovic chuan ATP World Team Cup lama hun hman a tum thu a sawi tawh bawk.

Kum 32 mi Nadal hian 2004, 2008, 2009 leh 2011 khan an ram hi a champion pui tawh, kuminah hian hliam nei loa a inlan a nih chuan Croatia thiampuipa Marin Cilic nen singles match an khel tura ngaih a ni.