Hrem hmabak Gareth Bale?

La Liga chuan Spanish Football Federation hnenah Gareth Bale chu hrem turin an thlen a, hei hi Atletico Madrid nen an inkhelh ṭuma a goal khung a lawm dan vang a ni.

Madrid derby-ah khan Real Madrid hian 3-1 in hnehna an chang a, Bale hian an goal thumna leh club tana a goal 100-na minute 74-naah a khung. 

Welsh forward hian Atletico fans lam hawiin a kut ding lam a phar chhuak a, a kut lek kual dan hi Spain-ah chuan inzah lohna lantirna chi khat a ni a, hei hi La Liga thuneitute chuan an hrethiam lo. 

La Liga thuneitute duh anga Bale hi hrem a nih chuan match li aṭanga match 12 thleng inkhel thei loa hrem tur a ni dawn a, hliam vanga talbuai ngun tak forward tan thu hriat nuam a ni lo ang. 

Real hian Pathianni tlai dar 4:30-ah league match an khel dawn a, Girona an mikhual ang.