Nassim Akrour a la tar lo

Algeria striker hlui Nassim Akrour chuan kum 45 mi ni tawh mah se a la tar lo tih khelmual chhungah a pholang a, French third division club Chambery tan a match hmasa berah goal a khung nghal. 

Akrour hian thla ruk liam ta khan Ligue 2 club Annecy a chhuahsan a, club a neih loh reng hnuah Chambery hi zawmin friendly match-ah goal a khungsak nghal a ni. French club Grenoble tan match 312-a khelha goal 110 khunga club goal khung hnem ber record chelhtu hian 1995 khan a professional career a ṭan a, club hriat hlawh lo Olympique Noisy-le-Sec aṭangin bul a ṭan.

 

English football-ah pawh division hniam lam club Sutton United leh Woking tan a lo khel tawh a, Algeria tan match 18 inlanin goal ruk a khung bawk - Africa Cup of Nations inelna 2002 & 2004-ah khan ram tan a inlan phak.