Hmalak tum dan sawifiah

Childline India India Foundation (CIIF) member pahnih - Lena Basu leh Arunangshu Mondal-te chuan nimin khan Kolasib DC pisaah Integrated Child Protection Scheme (ICPS) hnuai­a an hmalak tum dante an sawifiah.

CIF member-te chuan, an thil tum ber chu Kolasib district-a childline service siam a nih thu sawiin, "Naupang kumtlinglo, fahrah, ruih­hlo ngai, chenna tur nei lo, dan bawhchhia, naupang hna thawhtir, naupang rûkbo, naupang khuaikhem tâwk, HIV vei, rilru lama rualbanlo, naupang an in aṭanga tlanbo leh nu/pate'n ina naupang an kalsante zawn chhuaha chhanchhuah leh chhawmdawl pek chu project-in a tum ber a ni," an ti.

CIIF member-te sawi danin, project hnuaiah hian Childline Advisory Board chu DC kaih­hruaina hnuaiah din tur a ni a, Social Welfare department-a thawkte leh NGO-te chu a ṭul dan azirin member-ah ruat tur a ni. Programme hnuai­ah district-a naupangte enkawlna hmun awmsa chu endik a ni ang a, naupang humhim leh enkawl chungchanga dan leh hrai bakah dan tesêp awmte chu home enkawltute'n an hre chiang em tih enfiah tur a nih bakah, an hriat chian loh chuan zirtir an ni ang.

Naupang enkawl hmun (home) chuan kum thum chhung audit account an nei tur a ni a, naupang kaihhnawiha enkawlna leh hamṭhatnate bakah, chhawmdawlna kawnga programme leh policy an nei tha em tihte a endik a ni ang. Home hrang hrangte chu an zir chian hnuah sorkar laipuiah report an thawn ang a, district-a naupang enkawlna tura ṭha ber tura ngaih home chuan kum khatah  ṭanpuina cheng nuai 14 sorkar laipui aṭangin a dawng ṭhin dawn a ni.

•    Liverpool tana goal khung hnem ber Mohamed Salah-a'n tun season-ah goal 20 a khung tawh a, amah hnaih bertu Sadio Mane-a'n goal 13 a khung tawh. 

•    Bayern tana goal khung hnem ber Robert Lewandowski-a'n goal 25 a khung tawh a, amah hnaih bertu Leon Goretzka chuan goal ruk a khung ve tawh.

•    Liverpool tana assist ngah ber chu Andy Robertson leh Salah niin vawi riat ve ve assist an nei tawh.

•    Bayern tana assist ngah ber chu Joshua Kimmich niin vawi 12 assist a nei a, amah hnaih bertu Lewandowski chuan assist vawi sarih a nei. 

•    Liverpool keeper Alisson-a'n goal chhuah loh match 16-ah a nei a, Bayern keeper Manuel Neuer-a'n match 11-ah a chhuah miah lo thung.

•    Liverpool hian group stage-a match rukah vawi thum chiah hnehna an chang a, khualmualah an tlawm vek. Group-ah pahnihna nichungin last 16 an lut.

•    Bayern hian group stage match rukah vawi li hnehna changin vawi hnih an khingpui an inhnehtawkpui a, tlawm nei miah loin last 16 an lut.

•    Liverpool hian Premier League-ah match khata khel tlem chungin Manchester City chiah an phak lo mek a, an phak lohna pawh goal difference-ah chauh a ni.

•    Bayern Munich hian Bundesliga-ah match khata khel tam zawk chungin Borussia Dortmund chu point hnihin an phak lo mek thung.

•    Liverpool hian tun season-ah goal 97 khung tawhin match khata goal 2.26 zel khung ang an ni. Goal 34 an chhuah tawh a, match khata goal 0.79 zel chhuah ang a ni.

•    Bayern Munich hian goal 115 khung tawhin match khata goal 2.74 zel khung ang an ni. Goal 46 ngawt an chhuah tawh a, match khata goal 1.10 zel chhuah ang an ni.

•    Team pahnih hi vawi sarih an lo intawng tawh a, Liverpool hian vawi hnih hnehna changin vawi li an inhnehtawk a, vawi khat chu Bayern an chak.

•    Team pahnih intawn hnuhnung ber chu 2001 UEFA Super Cup kha a ni daih tawh a, Liverpool hian 3-2 in hnehna 

an chang.

Jurgen Klopp-a'n Germany-a Borussia Dortmund a enkawl chhung zawnga a hmelma lian ber chu Bayern Munich an ni a, Champions League-ah pawh 2013 khan final-ah 1-2 in a lo ngam lo tawh. 

Klopp chuan, "Bayern inkhel hi ka en fo a, tun season-ah pawh vawi nga emaw vawi ruk chu ka en tawh. Player theihna nei sang tak nei an kawl a, quality leh tawnhriat inchawhpawlh an ni.

"Germany-ah season ruk chhung a zawnin an champion thei a, chu chu thil awlsam tak a ni lo. Tun hnai kum sawm chhung en ila, Champions League-ah quarterfinal, semfinal leh final chu an thleng ziah a ni," tiin an khingpui tur team an ṭhat thu a sawi. 

Mahse, Germany-a Dortmund a enkawl laia season hnih chhung a zawna league nomawi chawi tawh coach chuan hnehna chan tuma theihtawp an chhuah tur thu a sawi. 

Klopp chuan, "Kan theihna zawng zawng nen kan mikhual dawn a, inkhelh hlan ka nghakhlel tawh takzet a ni. Football chu i khel ang hmiang," tiin Bayern a cho hle.