Muaythai inelna zo fel

16th Mizoram State Muaythai Championship 2019 chu Inrinni khan Ramhlun Boxing Hall-ah zawhfel a ni a, a pumpuiah Dawrpui Muaythai Club an champion a, gold medal pariat, silver medal paruk leh bronze medal pasarih an dawng.

Inelnaah hian Mizo-rama district hrang hrang - Aizawl, Lunglei, Champhai, Kolasib, Saitual leh Khawzawl aṭangin player 168 an tel a, fight bakah Muay Boran leh Wai Kru-ah te intihsiakna neih a ni. Fight category-ah weight hrang 36 hmangin intihsiakna neih a ni a, mimal inelna Wai Kru leh team inelna Muay Boran hmanga intihsiakna hmuh-nawm tak neih a ni bawk.

Best fighter atan Lalngaihawma, MTC thlan a ni a, most promising fighter-ah Lalruatkima, Falkland thlan niin best discipline team atan Vairengte Muaythai club thlan an ni thung.