League round pakhatna India Champion lai Australia hmaah inelna thlengtu England

Cricket World Cup league round khar nan India-in Inrinni zan khan Sri Lanka chu wicket sarihin an hneh a, champion lai Australia-in South Africa an hneh loh avangin Virat Kohli hote hi pakhatnaah an awm.

July 9, Thawhlehniah India leh New Zealand ten Old Trafford, Manchester-ah semifinal hmasa zawk an khel dawn. Australia leh inelna thlengtu England ten Edgbaston, Birmingham-ah July 11, Ningani hian final khel tur an zawng ang.

Pakistan-in semifinal thleng turin thilmak thlentir a ṭul a, Zirtawpniah Bangladesh nen inkhelin over 50-ah run 315/9 an vaw chhuak.

Semifinal lut turin Pakistan tan Bangladesh hi run 308 a hneh a ngai a, thil theih a ni ta lo. Tigers hian over 44.1-ah run 221 an siam a, Pakistan hi run 94 zetin chak mah se knockout round an thleng pha lo. Pakistan captain Sarfaraz Ahmed chuan, "India kan hneh loh hnuah insiamṭhain batting, fielding leh bowling-ah kan che ṭha vek a, amaherawhchu match hmasa bera West Indies laka kan chak lohna nasa kha kan tlak phahna chhan chu a ni," tiin palina New Zealand nen an point inang chunga knockout stage an thleng pha lo chu pawi a tih thu a sawi.

Emerald Headingley, Leeds-ah Sri Lanka-in bat hmasain India bowler-te che ṭha mah se Angelo Mathews-a'n run 113 a siam zarah Lions-in run 264 an tlin ta tho.

India bat hun a thleng a, openener pahnih KL Rahul (111) leh Rohit Sharma (103) ten century siam ve vein hnehna chang turin harsatna an tawk lo. Cricket legend Sachin Tendulkar chuan, "A zawna century vawi thum leh Cricket World Cup vawi khata vawi nga ngawt siam chu a ropui thlawt a ni. KL Rahul-a'n century a siam bawk a, semifinal atan chanchin ṭha a ni," tiin a sawi.

Inkhelh banah Rohit Sharma chuan, "Ka tihsual aṭangin ka inzir a, ka inkhelh dawn hian century lam ka ngaihtuah lo. Ni tin hi ni thar zel a ni," tiin a tla chawpin a ṭha thei ang bera khelh a tum ṭhin thu a sawi. India captain Virat Kohli chuan, "Ṭha taka khelh kan duh a, tun anga ṭha hi chuan kan khelh theih erawh ka beisei phak lo. Kan thawhrim rah kan seng a, hetiang team-a captain ka ni hi ka inchhuang hle," tiin a sawi a, semifinal atana an inpeih tawh thu a sawi lang bawk.

World Cup ṭan hmaa champion rinkai South Africa-in semifinal beiseina an neih tawh loh hnuah an theihna an pholang chauh a, tun World Cup league round-ah India nen chauh Australia hneh thei an ni.

Proteas hian Faf du Plessis (100), Rassie van der Dussen (95) leh Quinton de Kock (52) te chet ṭhat zarah run 325 an tlin a, Australia tan hmabak a hautak hle. Aussies-in hnehna chan ngei tumin target an um a; David Warner (122) leh Alex Carey (85) te thlawp pha an awm loh avangin run 10-in an chak lo. Champion lai Australia hian cricket inelnaa an hmelma England an hmachhawn dawn a, World Cup zawhah Ashes series an khelh dawn bawk avangin boruak a nung khawp ang.

Australia captain Aaron Finch chuan, "Inkhel hmuhnawm leh ngaihven hlawh bik a ni dawn. World Cup semifinal-a England leh Australia inkhel tur hi a lian em em a, entu lam pawhin hmuhnawm an ti ngei ang," tiin England nena an inkhel tur chungchang a sawi.

Rohit Sharma @ 2019 World Cup

103 v Sri Lanka, Headingley

104 v Bangladesh, Edgbaston

102 v England, Edgbaston

18 v West Indies, Old Trafford

1 v Afghanistan, Southampton

140 v Pakistan, Old Trafford

57 v Australia, The Oval

122* v South Africa, Southampton

PAKISTAN bt BANGLADESH

Pakistan run 94 in an chak

Venue: Lord's, London

Toss-ah Pakistan an chak a, bat hmasak an thlang

Pakistan 315/9 (50)

Imam ul-Haq    100 (100)

Babar Azam    96 (98)

Imad Wasim    43 (26)

Mustafizur Rahman    75/5

Mohammad Saifuddin    77/3

Mehedi Hasan    30/1

Bangladesh 221 (44.1)

Shakib Al Hasan    64 (77)

Liton Das    38 (40)

Soumya Sarkar    22 (22)

Shaheen Afridi    35/6

Shadab Khan    59/2

Mohammad Amir    31/1

INDIA bt SRI LANKA

India wicket sarihin an chak

Toss-ah Sri Lanka an chak a, bat hmasak an thlang

Venue: Emerald Headingley, Leeds

Sri Lanka 264/7 (50)

Angelo Mathews    113 (128)

Lahiru Thirimanne    102 (68)

Dhananjaya de Silva    29 (36)

Jasprit Bumrah    37/3

Ravindra Jadeja    40/1

Hardik Pandya    50/1

India 265-3 (43.3)

KL Rahul    111 (118)

Rohit Sharma    103 (94)

Virat Kohli    34 (41)

Kasun Rajitha    47/1

Isuru Udana    50/1

Lasith Malinga    82/1

South Africa run 10-in an chak

Toss-ah South Africa an chak a, bat hmasak an thlang

Venue: Emirates Old Trafford, Manchester

South Africa 325/6 (50)

Faf du Plessis    100 (94)

Rassie van der Dussen    95 (97)

Quinton de Kock    52 (51)

Nathan Lyon    53/2

Mitchell Starc    59/2

Jason Behrendorff    55/1

Australia 315 all out (49.5)

David Warner    122 (117)

Alex Carey    85 (69)

Marcus Stoinis    22 (34)

Kagiso Rabada    56/3

Dwaine Pretorius    27/2

Andile Phehlukwayo    22/2