Zanin aṭangin TFL season 3

GIG Motors Taekwondo Fight League vawi thumna chu zanin aṭangin Electric Veng YMA Hall-ah khelh ṭan a ni dawn a, St. Joseph HSS RSC Fighter leh Armed Veng South Pasalṭha ten match hmasa ber an khel ang.

Kuminah hian senior team bakah naupang lam tan inelna neih a ni tel dawn a, hei bakah hian TFL Dance battle a awm ṭhin ang. Team panga - Armed Veng Warriors, Armed Veng South Pasalṭha, Republic Vengthlang Fighter, St. Joseph Hss RSC Fighters leh Zopa Goadsmith Chawnpui ten inelna an hmachhawn dawn.

Taekwondo Fight League 3-ah hian world taekwondo dan thar hman tur  a ni a; point 1, 2, 3, 4, 5 hmuh theihna tur a awm ang. Penalty leh awm (chest) a hnekin point 1, awm a pet fuhin point 2, lu (head) a pet fuhin point 3, vir chunga awm leh lu a pet fuhin point 4 leh 5 a hmuh theih dawn a ni. 

Inelna hi a tirah chuan league round hmanga neih phawt tur a ni a, an inkhel kual hnuah a sang zualin semifinal an khel ang - August 1 zanah a hmawr bawkna neih tura ruahman a ni.