Hima Das tan gold medal pahnihna

India infiammi zinga international track event-a gold medal la thei hmasa ber Hima Das chuan mibik a nihna a lantir chhunzawm leh ta. Assam nula hian Kutno Athletics Meet-a 200m intlansiakah pakhatna dinhmun a luah.

Poznan Athletics Grand Prix, Poland-a inelna neihah Hima hian kumina a vawi khat nan 200m intlansiak a hmachhawn a, second 23.97 chhunga thlengin, amah hnaih bertu VK Vismaya chuan second 24.06 hun a hmang thung.

Kum 19 mi Hima hi world junior champion lai a ni a, 400m huangah chuan national record chelh mektu a ni bawk. 

Nikum khan World Under 20 Championship-ah bul ṭan fuh lo mah se a hmaa awm mi pathum tlan pelin 400m-ah pakhatna a ni tawh a, international track event-ah Indian infiammi zinga gold medal la thei hmasa ber dinhmun a lo luah tawh a ni.