Mizo rider an che ṭha

Federation of Motor Sports Clubs of India (FMSCI) buatsaih Idemitsu Honda India Talent Cup 2019 round hnihna chu July 5-9 chhung khan Madras Motor Race Track, Chennai-ah neih a ni a, Mizo rider pahnih K. Lalnunsanga leh Lucas Lalrinzuala te an che ṭha hle.

Inelna hi ṭhuang hniha neih a ni a, Inrinni khan thawhkhatna neih niin Mizoram Motorsports Association tirha kal Lalrinzuala chu pahnihna niin, rider pakhat zawk Lalnunsanga chu pathumna a ni thung - an pahnihin podium an lawn tihna a ni. 

Pathianniah thawhhnihna neih leh a ni a, Lalnunsanga chu a hmasa berah thlengin Lucas Lalrinzuala chu pahnihna a ni thung. Talent Cup hi round 5 thleng neih tur a ni dawn a, August 5-6 hian Madras Motor Race Track, Chennai-ah neih leh tur a ni ang.