Kashyap tan silver medal

India tlangval badmin­ton khel thiam Pa­ru­palli Kashyap chuan Cana­da Open Super 100 tourna­ment-ah final thleng phak mah se a chak lo a, silver medal-ah a lungawi a ṭul.

Pathiannia final khelhah seeded parukna Kashyap hi Chinese shuttler Li Shi Feng lakah darkar khat leh minute 16 chhungin 22-20, 14-21, 17-21 in a tlawm - duhthusam thleng chiah lo mah se Indian shuttler zingah medal hlawh chhuak awmchhun a ni.

Commonwealth Games champion hlui Kashyap chuan, "Tun tournament bika ka khelh ṭhat ber ṭum a ni lo a, game tinah duh angin bul ka ṭan fuh tawk lo vek. Amaherawhchu ka thlen chinah ka lawm, tunah chuan Los Angeles lama US Open khel turin rilru kan pe tawh ang," tiin a sawi.

Kuminah Indian shuttler ten beisei an phak hleithei lo, nomawi liantham chawi thei pawh an awm lo. Season tir lama khelh Indian Open-ah khan Kashyap hian semifinal a thleng a, Canada Open final a luh hi a thlen san ber a ni rih.