Egypt-in coach Aguirre an ban

Africa Cup of Nations thlengtu Egypt chuan last 16-a rin loh taka South Africa an ngam loh hnuin coach Javier Aguirre chu a hna aṭangin an chawlhtir nghal a, Egypt Football Association president Hany Abo Rida chu a hna aṭangin a bang bawk. 

Kum 60 mi Aguirre hian World Cup-a Egypt kaihruaitu Hector Cuper thlakin Mohamed Salah te ram hi a enkawl a, kum thum lai contract la nei mah se AFCON-ah an mualpho tak avangin ban a tawk ta a ni. Mexican coach hian Cairo khawpuia an chak loh hlimin, "A mawhphurtu chu keimah ka ni," tiin an chak loh chhanah mawhphurtu a nih thu a lo sawi tawh.