US Open-ah Kashyap inlan dawn

India Badminton star Parupalli Kashyap chuan kar hmasa lama Canada Open silver medal a lak hnuin, inrintawkna sang tak nen tun kar chhunga khelh tur US Open lam a hawi.

Hyderabad tlangval, kum 32 mi Kashyap hi US Open-ah hian tun hma pawhin hnuhma ṭha a lo hnutchhiah tawh, a match hmasa bera a khing­pui tur chu 2018 Asian Junior Champion Lakshya Sen a nih avang­in chetsual theih a ni ang.

US Open 2017 cham­pion Prannoy Kumar chu kuminah seeded pahnihna a ni a, ani hian first round-ah player chhut thiam harsa tak Yu Igarashi a hmachhawn dawn. National champion Sourabh Verma pawhin Toby Penty a bitum dawn, Ajay Jayaram erawh seeded palina Wang Tzu Wei nen an inkhelh nghal dawn avangin a hmabak a hautak dawn.