British GP awm chhunzawm dawn

Hun rei tak chhung Formula 1 leh Silverstone tlankawng thuneituten inremna an neih theih loh hnuah thuthar a awm a, season nga chhung atan an inrem tak avangin British Grand Prix chu neih chhunzawm zel a ni dawn tih a chiang ta.

Inremna siam lo se la chuan tunkar tawpa Bri­tish Grand Prix an tlan zawh rual hian an contract neih lai chu tawp tur a ni. Mahse, British mipui ten infiamna an ngainat tak hi 2024 thleng London-ah an tlan chhunzawm dawn ta a ni.

F1 chairman Chase Carey chuan, "Kum 1950 aṭang khan Silverstone-ah inelna kan nei tawh ṭhin a, tun hnaiah season hnih chhung vel chu inbiakna kaltluang tawk lo mah se inremna kan nei thei ta hi a lawmawm hle," tiin contract thar ziak tura an indawr rei thu a sawi.

Silverstone managing director Stuart Pringle chuan, "Keini chuan car intlansiakna hi kan ngaihluin hmasawn zel tur pawhin kan duh, chutihrualin sumdawnna kawnga hlawkna hmu lo chuan kal reng theih a ni lo a, tunah hian pawl hnihin beiseina sang tak nen inremna kan nei a ni," a ti.

Kum 20017 khan American mass media company pakhat Liberty Media chuan F1 hi an nei pumhlum a, khawvel pumah nasa taka hma­sawntir an tum, a bik takin European ram liante chu inelna thleng tur hian an duh hle.