Entu nei loin Tokyo Marathon an tlan

Pathianni khan Tokyo Marathon chu tlan a ni a, kum danga infiammiten an ngaihhlut takah hian kuminah chuan mi 200 bawr vel chauh an inlan - coronavirus vangin tel an tlem, entu mipui an awm mumal lo bawk.

Kum dangah chuan Tokyo Marathon-ah hian inlan an tam ṭhin, kuminah pawh hian mi 38,000 velin tel tumin hming an pe lut; a taka tlan erawh an tlem hle. Japan khawpuia 10km intlansiakah hian Ethiopian tlangval Birhanu Legese chuan hnehna a chang.

Legese hian hnehna chang turin darkar hnih, minute li leh second 15 hun a hmang. Hmeichhe inelna lamah Israel nula Lonah Korlima Chemtai Salpeter chuan 2:17.45 chhunga thlengin record a siam a, chiang takin pakhatna a ni.

Tokyo hian July 24 aṭanga August 9 chhung hian Olympic a thleng dawn a, tun ang coronavirus hi a darh zel a nih chuan infiamna khawmpui lian pawh hi na takin a nghawng ang tih a rin theih.