Prannoy leh Sourabh an tlang
US Open badminton tournament khelh kal mekah Indian shuttler pahnih HS Prannoy leh Sourabh Verma te an khel ṭha tluang zel a, player ṭha pahnih hi quarterfinal-ah an inhmachhawn leh ang.
Ningani zan last 16 inkhelah seeded pahnihna Prannoy hian Korean tlangval Kwang Hee Heo chu 21-16, 18-21, 21-16 in a hneh a, inkhel dangah Sourabh pawhin Indian shuttler tho Lakshya Sen chu 21-11, 19-21, 21-12 in a hneh ve bawk.
Kuminah Indian shuttler an hlawhtling tawk lo a, nomawi liantham chawi thei an awm rih lo. US Open-ah erawh quarterfinal-ah Prannor leh Sourabh an inhmachhawn dawn avangin semifinal-ah Indian player pakhat an awm dawn tih chu a chiang.