Cricket World Cup Final - Pathianni tlai dar 3:00 New Zealand Vs England
Cricket World Cup Final chu Pathianni tlai dar 3:00 hian Lord's-ah inelna thlengtu England leh New Zealand ten an khel dawn. Ram pahnih hi World Cup-a la champion ngai lo an ni a, champion thar an awm dawn tihna a ni.
England hian tla thei dinhmuna an din hnuah team ṭha India leh final-a an hmachhawn tur New Zealand hnehin semifinal an lut a, semifinal-ah champion lai Australia an hneh bawk. Inelna thlengtu hi an chak chhoh dan thlir chuan champion tura rinkai zawk an ni ang.
Captain Eoin Morgan chuan, "Tun Pathianni hi inthlahrun hun a ni lo, final kan thlen theih avangin phur takin kan thlir tur zawk a ni. Team angin kan khel ṭha chho zel a, match hnuhnung pathum hian inrintawkna min pe," tiin nomawi chawi theih ngei an inbeisei thu a sawi.
New Zealand-in tun World Cup-ah bul an ṭan ṭha a, match ruk an khelhah ruah vangin India nen an inhnehtawk tih loh chu an chak vek. Black Caps hian league round hnuhnung pathumah Pakistan, Australia leh England an hneh lo zui a, bul an ṭan ṭhat zarah semifinal an lut ta tho.
Knockout stage chinah Kane Williamson-a captain-na hnuaia khel Black Caps an danglam a, champion tura rinkai India an hneh. Cricket legend Sachin Tendulkar chuan Williamson hi a fak hle, India an hneh zawhah Sachin chuan, "Vawi tam tak Williamson-a chungchang hi ka sawi tawh a, captain a nihna angin a fing a, a thluak a hmang bawk. Hun harsaah a talbuai ngai lo a, a khingpuite aiin a thlir thui ṭhin a, ka dah sang hle," tiin Black Caps captain chungchang a sawi.
Tendulkar chuan, "New Zealand fast bowler-te chet dan kha an entawntlak bawk. Thil danglam vak an ti lo a, an tih tur chin kha hnehsawh takin an ti," tiin Matt Henry leh Trent Boult te a fak tel bawk. Black Caps pacer pahnih Henry leh Boult te hian England an hmachhawn hnuhnun berah wicket hnih ve ve an la a, amaherawhchu part time bowler leh spinner Mitchel Santner-te an che ṭha tawk lo. England hian run 305 zet an siam a, run 119 a hnehna an chan avangin New Zealand tan insiamṭhatna tur a tam hle.
Amaherawhchu semifinal-a India hnehtu New Zealand hi knockout stage chinah chuan engpawh a thleng thei tih hrechiangtu an ni a, England nen an inkhel tur hi cricket ngainatu tan chuan a hmuhnawm khawp ang.
Final Kalkawng
England
League Round (Pld - 9, W - 6, L-3, NR-0)
1. England - 311/8 (50) bt South Africa - 207 (39.5)
- England run 104-in an chak
2. Pakistan - 348/8 (50) bt England -334/9 (50)
- Pakistan run 14-in an chak
3. England - 386/6 (50) bt Bangladesh - 280 (48.5)
- England run 106-in an chak
4. England - 213/2 (33.1) bt West Indies - 212 (44.4)
- England wicket 8-in an chak
5. England - 397/6 (50) bt Afghanistan - 247/8 (50)
- England run 150-in an chak
6. Sri Lanka 232/9 (50) bt England - 212 (47)
- Sri Lanka run 20-in an chak
7. Australia - 285/7 (50) bt England - 221 (44.4)
- Australia run 64-in an chak
8. England - 337/7 (50) bt India - 306/5 (50)
- England run 31-in an chak
9. England - 305/8 (50) bt New Zealand - 186 (45)
- England run 119-in an chak
Semifinal
10. England - 226/2 (32.1) bt Australia - 223 (49)
- England wicket 8-in an chak
New Zealand
League Round (Pld - 9, W - 5, L-3, NR-1)
1. New Zealand - 137/0 (16.1) bt Sri Lanka - 136 (29.2)
- New Zealand wicket 10-in an chak
2. New Zealand - 248/8 (47.1) bt Bangladesh - 244 (49.2)
- New Zealand wicket 2-in an chak
3. New Zealand - 173/3 (32.1) bt Afghanistan - 172 (41.1)
- New Zealand wicket 7-in an chak
4. Ruahsur vangin New Zealand leh India an inhnehtawk
5. New Zealand 245/6 (48.3) bt South Africa 241/6 (49)
- New Zealand wicket 4-in an chak
6. New Zealand - 291/8 (50) bt West Indies - 286 (49)
- New Zealand run 5-in an chak
7. Pakistan - 241/4 (49.1) bt New Zealand - 237/6 (50)
- Pakistan wicket 6-in an chak
8. Australia - 243/9 (50) bt New Zealand - 157 (43.4)
- Australia run 86-in an chak
9. England - 305/8 (50) bt New Zealand - 186 (45)
- England run 119-in an chak
Semifinal
10. New Zealand - 239/8 (50) bt India - 221 (49.3)
- New Zealand run 18-in an chak