Pahnihnaah Osaka a awm

Hmeichhe thuneitu sang Women's Tennis Association chuan world ranking thar a ti chhuak. Australian Open champion Naomi Osaka chuan point 7835 hmuin pahnihna dinhmun a luah.

Japanese star hian Jennifer Brady hnehin Grand Slam title palina a la, a chunga awm Simona Halep chu a kal kan a ni. A chung berah hian Australian nula Ashleigh Barty chu a la awm chhunzawm zel thung.

Serena Williams pawhin hma a sawn, American star hian a hma lama awm player pali kal kanin pasarihna dinhmun a luah; Melbourne Park-ah khan Serena hi Osaka hneh loin quarterfinal-ah a tla.

Season hmasa khan Covid-19 vangin tournament a awm mumal thei lo a, an inkhelh loh chhung zawng khan ranking ngaiah an awm reng; chutih rualin an dinhmun ngai an chelh rei zawng erawh chhiar a ni lo thung.