Lakers che fuh thei rih lo
Nimin zing NBA regular season inkhelah Los Angeles Lakers chu Washington Wizards lakah 127-124 in an chak lo. NBA champion hi tun hnai an match hnuhnung pathumah an tlawm ta - Ningani zing dar 8:30-ah Utah Jazz nen an inhmachhawn leh ang.
Staples Center a inkhelah Lakers hi chak turin an dinhmun a ṭha hman, quarter thumna an khelh laiin point 17 ngawtin hma an hruai fal thei. Mahse in pawh thlak tirin hun pangngaiah an inhnehtawk a, overtime khelh a nih meuh chuan a hniam zawk an ni.
Lakers thiampuipa LeBron James leh Kyle Kuzma ten hun tawp dawnah 3-points nei tuma an shot chu an hlah ve ve a, pakhat zawk chauh pawh hi lut se overtime vawi hnihna khelh a ngai ang, mahse an vanduai ṭum an tawng.
Wizards tan hian Bradley Beal chuan point 32 a nei a, an thiampuipa Russell Westbrook-a'n point 32 bakah rebounds vawi 14 lain team an chakpui, tun hnaiah a zawnin match nga zet an chak tluang ta.
NBA Results
Los Angeles Lakers 127 - 124 Washington Wizards
Utah Jazz 132 - 110 Charlotte Hornets
Miami Heat 108 - 94 Oklahoma City Thunder
Phoenix Suns 132 - 100 Portland Trail Blazers
Dallas Mavericks 102 - 92 Memphis Grizzlies
Chicago Bulls 120 - 100 Houston Rockets