Marquez-a'n season bul ṭan theih beisei

Marc Marquez chuan bike intlansiak hmachhawn leh theih thuai a duh. March 28-a tlan tur Qatar Grand Prix-ah inlan theih ngei a beisei a, a inlan thei ngei dawn em tih erawh a la chiang thei lo.

Season hmasa khan intlansiak hmasa berah Marquez hi a tlu sual a, a ban ruh a tliak. A hliam hi zai niin dam leh mai tura ngaih a ni, mahse dam mai loin zai nawn a ngai hial - kum tluanin a inel ve thei ta lo a ni.

Repsol Honda rider Marquez chuan, "Chiang taka ka sawi theih chu Qatar test ride-ah chuan ka inlan lo ang. March thla laihawl hian doctor ka hnuh leh phawt a ngai dawn, chumi hnuah chuan ka dinhmun tur a chiang ang.

"A tirah chuan Qatar GP atan tlan chhin kha ka tum, mahse doctor in a phal lo. Tunah chuan thil tum pahnihna atan a taka intlansiak tak tak hmachhawn ka tum leh ta a ni, hei hi a theih loh leh a nih pawhin a hma thei ang bera bike khalh chu ka tum dawn," a ti.

Bike intlansiakna sang berah hian Marquez leh Pol Espargaro ten Repsol Hondo bike an khalh dawn, hliam leh harsatna vanga buaina an nei a nih ngawt loh chuan team dang tan elpui huphurhawm tak an ni ngei ang.