Tottenham-in Wolfsberger mikhual dawn

Jose Mourinho hoten zanin dar 10:30 hian Tottenham Hotspur Stadium-ah Austrian club Wolfsberger AC an mikhual ang.

English club hian Europa League last 32 first leg-ah 4-1 in hnehna an chang tawh a, last 16 lut turin an dinhmun a ṭha hle.  Puskas Arena-a an inkhelh ṭum hian Son Heung-min, Gareth Bale, Lucas Moura leh Carlos Vinicius ten goal an khung.

Europa League-ah Spurs che ṭha mah se Premier League-ah erawh tun hnaiah an khel chhe hle. League match hnuhnung parukah Spurs hi vawi nga an chak lo a, relegation zone-a awm West Brom an hneh chu an chak awmchhun a ni.

Jose Mourinho hoten inrintawkna nei turin Wolfsberger an hneh nawn a ṭul a, Jose Mourinho tan erawh season tawpah inkhelh tur a tam ṭhin avangin player ṭha ṭhenkhat awltir a finthlak ang.