Lalmalsawma Memorial Futsal

Lalmalsawma Memo-rial Futsal MFA Inter Village Futsal Tournament 2020 chu vawiin aṭangin Malsawma's Yard, Leitan-ah third round khelh chhunzawm a ni dawn.

MFA hnuai futsal inelnaah hian veng/khaw khat aṭangin team hnih chhuah theih a ni a, football khelh thiam veng Armed Veng South, Dinthar, Ramhlun South leh Republic Veng ten last 32-ah team hnih an la thawh thei a, team hnih thawh zingah Rangvamual telin vawiin hian team panga A team ṭheuh an inlan dawn.

Vawiin match hmasa bera khel tur Lalremruata enkawl Biate chu inelna ṭan hnuah rinkai zingah an tel chho a, chutih rualin futsal inelna hi football nen a danglam hle. Football lama hming langsar lo Zonuam-te chu futsal lamah chuan team ṭha an ni thung a, last 16 lut tur hriatthiam a har takzet. Aizawl pawn team Kawnpui hi futsal-ah chuan team ṭha zingah an tel.