Warriors lakah RSC an tlawm

Rafael Benitez an chan hnuah New­castle United-in manager zawn hna an thawk zel a, Sheffield Wednesday boss Steve Bruce chu lakluh tumin an dawr mek. 

Kum 58 mi Bruce chuan, "Club kutah engkim a innghat. Tun hnai ni hnih thum chhung khan, rin loh takin Magpies hi an rawn lang nawlh a ni," a ti. 

Bruce hian January khan Wednesday hi a zawm ve chauh a, Championship-ah 12-na a nihpui - naupan lai aṭanga Magpies ṭantu ruhkawl a ni a, Newcastle bul lawkah a piang bawk. Newcastle hian England coach hlui Sam Allardyce pawh an lo dawr tawh a, mahse Big Sam hian a club hlui a nih avangin Magpies hi enkawl nawn a duh lo.