Valencia striker thar Maxi Gomez
Spanish club Valencia chuan Celta Vigo aṭangin Maxi Gomez an lalut a, Uruguay international striker hian 2024 June thla thleng daih contract a ziak, aman chiang taka tarlan ni lo mah se euro maktaduai 14.5 bawr vel nia ngaih a ni.
Kum 22 mi Gomez hian tun hnai season hnih chhungin Celta tan match 75 a khelh aṭangin goal 31 a khungsak a, La Liga lamah chuan striker beiseiawm berte zinga mi a ni. Nikum World Cup leh kumin Copa America-ah khan an ram aiawhin a feh chhuak bawk.
Tun nipui bazar chhungin Valencia hian Jasper Cillessen, Manu Vallejo leh Jason te an lo lalut tawh bawk a, striker Maxi Gomez bakah Jorge Saenz chu an la dawn bawk - season hmasa La Liga palina hian kum tharah pawh Champions League khelh nawn an tum ngam ang.