World Champion hlui Whitaker a thi

'Sweet Pea' tia hming­lem an pek, boxing khaw­vela hming dai tawh ngai lo tur Pernell Whitaker chu US-ah motor sut vangin a thi. 

Kum 55 mi boxer ropui ṭhin hi Virginia-ah motor-in a su a, a nunna chhan theih a ni ta lo a ni. Kum 2001 khan boxing a chawlhsan a, trainer angin a thawk zui. 

Kum 1984 Olym­pics-a gold medal lo hlawh chhuak tawhtu hi division pali WBC lightweight, IBF light welterweight, WBC welterweight leh WBA light middleweight-ah te a champion vek. 

Whitaker hian pro­fessional fight vawi 46 a hmachhawn hman a, vawi 40 hnehna changin vawi 17 chu a khingpui a knockout. Vawi li ngam loh a tawng a, vawi khat a inhnehtawkpui a, match khat chu chak mah se a hnuah drug test a paltlang loh avangin 'no contest'-ah puan a ni.