Zalena Fanai Memorial Trophy MSVT Hollow-in final lut

Aizawl District Basket-ball Association buatsaih Zalena Fanai Memorial Trophy 'ADDBA Cup'-ah Mission Vengthlang Hollow BBSP chuan Mission Veng Hotshots chu 68-64 a hnehin final an lut.

Final hi July 19, Zirtawpni zanah khelh tur a ni a, Mission Vengthlang Hollow hian nizana OPD Venghlui leh Republic VR4 inkhela chak zawk an hmachhawn ang. Hemi zan hian hmeichhe inelna final pawh khelh a ni dawn a, LB Associates leh Team Alpha ten nomawi an inchuh ang.

Chawnpui Sport Center-a inkhelah hian MSVT Hollow-in bul an ṭha a, first quarter-ah 20-12 in hma an hruai. Amaherawhchu second quarter-ah Mission Veng Hotshots rawn che ṭhain halftime-ah 34-32 in an lehthal.

Third quarter-ah Mission Vengthlang bawk an che ṭha a, derby match-ah Mission Veng hnehin final an lut. Inelna vawi hnih neih tawhah Zarkawt Serpents leh Chawnpui BC te an champion a, tun ṭumah hian champion thar an awm dawn.