World Cup 2022 qualifier Qatar leh India awmho dawn
FIFA World Cup 2022 qualification khelh tur atan Asian Football Confederation (AFC) chuan nimin khan draw a nei a, India chu Group E-ah Qatar te nen an awmho dawn.
Qatar hi a thlengtu tur an nih avangin World Cup-ah hian tling chiang mah se inelna hi Asian Cup qualifier-ah pawm nghal a nih avangin an inlan ve dawn a ni.
Qualifier-ah hian team 40 chu group pariatah team panga zel awmin ṭhen hran an ni a, group tina a sang ber chu Asian Cup tling chiang sa an ni ang a, World Cup qualifier third round an lut bawk ang.
Pahnihna zinga a ti ṭha zual pali te chuan group hmahruaitute hnung hi an zui ve dawn bawk. Third round-ah hian team 12 an awm dawn tihna a ni a, group pahnihah team paruk ve ve awmin ṭhen an ni ang - group-a a sang pahnih hi World Cup khel turin an tling dawn.
Group pahniha pathumna ve ve an intum leh ang a, a chak zawkin inter-confederation playoff hmachhawnin World Cup khelh an tum leh dawn a ni. India hi Group E-ah awmin Qatar bakah hian Bangladesh, Oman leh Afghanistan an awm ve bawk.