Cameroon-in Seedorf leh Kluivert an ban

Africa Cup of Nations-a an nomawi kawl lai an humhim theih loh hnuah Cameroon-in coach Clarence Seedorf an ban a, a assistant Patrick Kluivert chuan Cameroon hi a chhuahsan ve bawk. 

Real Madrid leh AC Milan midfielder hlui Clarence Seedorf  hian August 2018 khan Cameroon hi kum li chhung enkawl turin a pan a, mahse AFCON last 16 aṭangin Nigeria chuan 3-2 in an hnawt chhuak a, ban a tawh phah. 

Cameroonian Football Federation (CAF) chuan thuchhuah siamin, "AFCON aṭanga hma taka kan tlak avangin Seedorf leh Kluivert contract chu tihtawp a ni," an ti a, an thutlukna chu 'contract nena inmil' a nih thu an sawi. 

Seedorf leh Kluivert hi contract an ziah tirh hian AFCON nomawi humhim a, AFCON 2021 leh World Cup 2022 khel tura Cameroon hruai thleng turin hna pek an ni.