Women's European Championship an sawn
European football-a ram leh ram hmeichhe team inelna Women's European Championship 2021 chu 2022-ah sawn a ni a, inelna sawn a nih chhan hi coronavirus vanga Men's European Championship leh Olympic sawn a nih vang a ni.
Euro 2020 leh Tokyo Olympic chu nakkuma neih turin a hun sawn a lo ni tawh a, UEFA chuan infiamna khawmpui lian pahnih ruala football hmanga Europe-a hmeichhiate inelna kalpui hi fuh tawk loah a ngai.
Women's European Championship hi England-in a thleng dawn a, mahse 2022-a sawn a nih takah chuan hemi kumah vek hian England-in Commonwealth Games a thlen dawn bawk avangin inelna neih hun tur tak tih chian theih a la ni lo.
Commonwealth Games hi Birmingham khawpuiah July 27- August 7, 2022-ah neih a ni dawn a, Women's Euro lam hian he hun lo deuh hi an melh a ngai dawn niin a lang.