Slavia Prague hmaah Foxes fiahna

Leicester City-in Czech Republic-ah goal an khung thei lo a, Slavia Prague nen goal awm loin an inhnehtawk. Zanin dar 1:30 hian King Power Stadium-ah Foxes hian Slavia Prague hi an mikhual leh dawn a, Europa League last 16 lut turin chak ngei a ṭul dawn.

Brendan Rodgers-a'n an intawn hmasak ṭumin player ṭha a khelhtir a, an beisei ang result an hlawh chhuak lo. Amaherawhchu Foxes hian kartawpah Aston Villa an hneh a, hei hian pressure tam tak a la kiang ang.

Leicester City tan season thara Champions League khelh theih chu an hmachhawn lian ber a ni a, chutihrualin Europa League nomawi hi an ban phaka a awm avangin an ngaih thah dawn lo. 

Jamie Vardy leh Kasper Schmeichel ten khawvel mipui barakhaihin Premier League nomawi an chawi tawh a, Europa League-ah pawh rinkai ber ni lo mah se inrintawkna a kiam phah chuang lo ang.