Rooney enkawl Derby a chak

Championship-ah Derby County chuan Thawhlehni zan khan Huddersfield 2-0 in an hneh. Pride Park Stadium-ah George Edmundson-a'n minute 22-naah a khung a, Martyn Waghorn-a'n minute 65-naah a khung leh bawk.

Rams manager Wayne Rooney-a'n team enkawl tura thuneihna pumhlum pek a nih hnuah point 54 hmuh theih aṭangin point 31 a hmu a, relegation zone an chhuahsan tawh.

Derby hian match 31 aṭangin point 37 an hmu a, 18-naah an awm mek. Championship-ah hian team 24 an awm a, table hnuai lama awm pathum an relegate ang.

Zirtawpni zan dar 1:15 hian Derby-in 15-naa awm mek Nottingham Forest an mikhual dawn. Team pahnih hi club inhal tak an ni a, East Midlands derby inkhel hian ngaihven a hlawh ang.