20-0 in chak lo!

Serie C club Pro Pia­cen­za chu league-ah Cuneo hma­chhawnin 20-0 in an Mualpho. Inkhel chawlhlawk an hman meuh chuan an lamah goal 16 ngawt a lut tawh!

Cuneo tan hian Hicham Kanis chuan chawlhlawk hmain goal ruk a khung fel der tawh a, a striker pui Edoardo Defendi chuan goal nga ngawt a khung hman thung. 

Italy third division club Pro Piacenza hi sum lamah an talbuai avangin season ṭantir khan point riat paih sak an lo ni tawh a, August aṭang khan an player tam zawk chu hlawh an pek theih loh avangin first team player tam zawkin an chhuahsan. 

Inkhel hmachhawn turin squad-ah player an nei tawk lo a, Pathiannia an mualpho hma hian match thum chu an khel lo tawp tawh - 20-0 a an tlawmna inkhelah hian inlan lo se chuan Serie C aṭang hian paih thlak tur an ni a, kim lo chungin an inlan. 

Pro Piacenza hian a tirah chuan player pasarih an khelhtir zet a, second half-ah document tih fel ngaite tihfel a nih hnuah player pakhat a lut ve leh - player pariat nichungin an inlan a, bul ṭantu player paruk chu kum 20 hnuailam vek an ni!

Coaching staff an neih loh avangin kum 18 mi club captain Nicola Cirigliano chu coach hna chelhtir nghal a ni bawk.