Muguruza leh Kasatkina tlang

Dubai Tennis Cham­pion­ship-ah champion tura rinkai Garbine Mugu­ruza chuan a match hmasa berah fiahna a paltlang hram a, nikum finalist Daria Kasatkina pawhin hnehna a chang ve bawk.

Pathianni zan inkhel­ah Grand Slam vawi hnih champion tawh Mugu­ruza hian set hmasa ber a hloh hnuah Dayana Yas­tremska chu 4-6, 6-3, 6-3 in a hneh hram a, match point a hmuh hmasa paruk ngawt chhawr ṭangkai lo mah se, a tawpah erawh a khingpuiin a vuak sual zar a zo ta a ni.

Spanish nula Mugu­ruza hi tun inelna bikah hian seeded pahnihna a ni a, a match lehpekah chuan Zheng Saisai nen an inhmachhawn dawn. Chinese nula hian Ajla Tomljanovic chu 6-2, 4-6, 7-5 in a lo hneh ve bawk.

Inkhel dangah Ka­satkina chuan Magdalena Frech lakah 6-3, 3-6, 6-4 a hnehna changin, Kristina Mlade­novic, Viktoria Kuzmova, Lesia Tsurenko, Belinda Bencic leh Eugenie Bouchard te an tlang vek bawk.