MFA Futsal League Tling tur a hriat ṭan dawn

RFL Plastics Futsal League MFA Futsal League-ah league round a tawp hnai a, zanin hian group A ten match pawimawh an khel dawn. 

Zanin match hnuhnung berah Bawngkawn FC leh Armed Veng South te an inhmachhawn dawn a, quarterfinal an lut thei tawh lo - team dang zawng erawh knockout stage lut thei vek an ni. FC Ramhlun Venglai leh Saron Veng FC ten match hmasa ber an khel dawn a, point kua ve ve hmu an nih bakah palina leh pangana an nih avangin inkhel a pawimawh.

Pathumna Dinthar club Lawmna FC-in quarterfinal lut tawh Chanmari Zothan Futsal an hmachhawn dawn a, Lawmna FC te tla thei an la nih avangin a hmuhnawm dawn. Match thumnaah quarterfinal beiseina la nei Ramhlun South FC leh pahnihna Laipuitlang club Laipui FC te an inkhel dawn a, tling thei leh tla thei ve ve an nih avangin inkhel en châkawm a ni.