I Day Football Veteran Football

Football hmanga kum 40 chunglam (veteran) inelna tur F. Lalchhandama Memorial Independence Day Football Tournament atan July 20, Inrinni tlai dar 3:00 thleng team registration leh entry fee a pek theih dawn. 

July 20 hnu lamah chuan entry fee pek emaw registration a tih theih dawn loh avangin team chhuak turte hun ruatah engkim tihfel tur a ni a. Hriatchian duh nei tan MFA Veteran Committee secretary (9862721444) zawhfiah theih a ni ang.

Inelna hming tumtu F. Lalchhandama (Pâpuia) hi Subroto Cup Football, Santosh Trophy leh inelna hrang hrangah Mizoram tan vawi tam tak a feh chhuak tawh. Pâpuia hi 1989 Bordoloi Trophy, Guwahati-a quarter final khelhah Aizawl XI-in hetihlaia India team ṭha East Bengal an hneh ṭuma Aizawl XI chakna goal khungtu a ni.

Pâpuia hi October 18, 2018 khan kum 53 mi niin cancer natna vangin a thi a, PWD Sporting Club player hlui hming chawia kumin Veteran I  Day Football khelh a ni tur hi a inhmeh hle.