Holloway-a'n record thar a siam

American tlangval Grant Holloway chuan 60m hurdles huangah world record a siam a, hun rei tak chhung record lo chelh tawhtu Colin Jackson chu a rawn khum ta a ni. 

Madrid, Spain-ah World Indoor Tour neih a ni a, Nilaini zan khan Holloway hian 60m hurdles hi 7.29 seconds chhunga thlengin pakhatna a ni a, 1994 March thlaa Jackson-a record siam (7.30secs) chu a khum.

Kum 23 mi Holloway chuan, "Hetiang hun thlen hi chu hman aṭanga ka lo suangtuah ṭhin kha a ni a, ka beisei reng ni mah se a taka a rawn thlen meuh chuan a mak duh hle," tiin a sawi.