TTFI hruaitu thar Sailoliana

Table Tennis Federation of India (TTFI) chuan 2021-25 chhunga an hruaitu tur an thlang thar a, Mizoram Table Tennis Association a Honorary Secretary ni lai Sailoliana Sailo chu TTFI Joint Secretary atan thlan thar a ni.

Tun hmain Mizo zingah TTFI hruaitu an la awm ngai lo, Mission Vengthlang a cheng Sailoliana hi hetiang dinhmun luah thei hmasa ber a ni nghal bawk.

Panchkula, Haryana a inthlanna neihah hian Dushyant Chautala chu president atan thlan a ni a, kum 32 mi chauh niin India ram chhunga National Sports Federation (NSF) president ni thei naupang ber a ni.