Jazz lakah Lakers an tlawm
NBA champion Los Angeles Lakers an che fuh hleithei lo. LeBron James awmna Lakers hi nimin zing khan Utah Jazz lakah 114-89 in an chak lo, tun hnaiah a zawnin match li zet an tlawm ta.
Vivinit Smart Home Arena a inkhelah James chu player mala point nei hnem ber (19 points) a ni. Amaherawhchu Lakers player dang zingah thlawptu an awm ṭha lo, hliam vanga chawl mek Anthony Davis an ngai khawp ang.
Jazz lamin mimala ṭha fal an nei lo. Mahse, player paruk - Bojan Bogdanovic (15 points), Rudy Gobert (18), Donovan Mitchell (13), Mike Conley Jr (14), Jordan Clarkson (18) leh Derrick Favors (12) te chuan point 10 chuang an nei thei vek.
Lakers thiampuipa James chuan, "Tunlai kan result chu chhuan tur a awm lo hle. Mahse tuna kan awmna hi kan dinhmun leh nihna teh nan chuan a tawk zo lo, engtik niah emaw chuan kan la tho chhuak leh ngei ang tih hi ka chiang," tiin a sawi.
Nimin Inkhel Results
Utah Jazz 114 - 89 Los Angeles Lakers
Charlotte Hornets 124 - 121 Phoenix Suns
Oklahoma City Thunder 102 - 99 San Antonio Spurs
New Orleans Pelicans 128 - 118 Detroit Pistons
Chicago Bulls 133 - 126 Minnesota Timberwolves
Miami Heat 116 - 108 Toronto Raptors
Cleveland Cavaliers 112 - 96 Houston Rockets
Atlanta Hawks 127 - 112 Boston Celtics
Golden State Warriors 111 - 107 Indiana Pacers
February 24, Nilaini
Dallas Mavericks 110 - 107 Boston Celtics
Brooklyn Nets 127 - 118 Sacramento Kings
Philadelphia 76ers 109 - 102 Toronto Raptors
Cleveland Cavaliers 112 - 111 Atlanta Hawks
Golden State Warriors 114 - 106 New York Knicks
Detroit Pistons 105 - 93 Orlando Magic
Milwaukee Bucks 139 - 112 Minnesota Timberwolves
Los Angeles Clippers 135 - 116 Washington Wizards
Denver Nuggets 111 - 106 Portland Trail Blazers