New Zealand an chak nawn

Nimin zing khan University Oval, Dunedin-ah New Zealand leh Australia ten T20 match nga khelh tura vawi hnihna an khel a, mualneitu Black Caps-in run liin an chak.

Ṭhumvawrah Australia an vannei a, vawm hmasak an thlang. New Zealand tan opener Martin Guptill a che ṭha a, run 97 zet a siam. Captain Kane Williamson (53) leh Jimmy Neesham (45) ten an thlawp ṭha bawk a, Black Caps hian run 219/7 an siam.

Australia tan Marcus Stoinis (78), Josh Philippe (45) leh Daniel Sams (41) te che ṭha mah se Glenn Maxwell (3), Ashton Agar (0) leh Mitchell Marsh (0) te an chet chhiat avangin mikhual team-in run 215/8 an siam a, an vanduai.

February 22,Thawhṭanni khan T20 match hmasa ber hi khelh a ni a, mual neitu New Zealand-in run 53-in hnehna an chang. Black Caps hian 2-0 in hma an hruai a, match thumna hi March 3, Nilainiah khelh a ni ang.