Brentford an chak ve ta

Championship-ah Brentford-in match thum a zawna an chak loh hnuah Nilaini zan khan Sheffield Wednesday 3-0 in an sawp. Brentford Community Stadium-ah Bryan Mbeumo, Saman Ghoddos leh Mads Bech Sorensen ten goal khat ṭheuh an khung.

Season liam ta khan Brentford hi Premier League inpetling tura ngaih ni mah se league match hnuhnung pahniha an chak loha vangin West Brom hnuaiah awmin pathumnaah an awm. Playoff-ah Bees hi vanduai zui a, final-ah Fulham an hneh lo.

Tun season-ah Brentford hian bul an ṭan ṭha a, amaherawhchu match thum a zawna an chak loh avangin vanduai nawn thei dinhmunah an ding. Bees hian hmahruaitu Norwich City point sarih an pha lo a, pathumna Watford nen an point hmuh zat a inang bawk.

Championship aṭanga a sang pahnihin season tharah Premier League an khel dawn a, pathumna aṭanga parukna ten playoff hmangin hmunruak pakhat an hnawhkhat ang.