Hmasawnna a awm lo - Fury

WBC champion Tyson Fury chuan Anthony Joshua nena an inhnek tur atan hmasawnna a awm loh thu a sawi. 

Boxer rothap pahnih inhnek hi boxing ngainatute an hmu châk a, tunah erawh nghah rei a ṭul dawn. 

Fury chuan, "Kum khat chhung hma la turin hun an nei a. Tun dinhmunah erawh hmasawnna a awm lo, kum khat liam ta nen khan a la ngai reng. Boxer-ten tih tur an nei tawh lo a, tunah chuan inhnekna hmun, hun leh hlawh turte sawi chian hmasak a ṭul," tiin a sawi.

Kum 31 mi Joshua hian December thla khan Kubrat Pulev a hneh a, hemi ṭum hian promoter Eddie Hearn chuan chinfel thuai a inbeisei thu a sawi. 

Joshua hian IBF, WBO leh WBA belt a kawl mek a, boxer pahnih hi an intawng a nih chuan heavyweight fight-ah a vawi khat nan belt pali an inchuh dawn tihna a ni.