Alisson-a pa Jose Becker a thi

Liverpool keeper Alisson Becker-a pa Jose Agostinho Becker chu an chawlh hmanna in bula dilah a tla hlum. Nilainia thil thleng hi tualchhung Police leh Alisson-a club hlui Internacional ten an nemnghet.

Alisson hian Brazil chhim lamah chawlh hmanna hmun a nei a, Jose Agostinho Becker hi helai hmuna dilah hian chengin a tla hlum ta a ni. Alisson-a pa thih danah hian rinhlelh tur dang a awm lo niin an sawi.

Kum 2018 khan Alisson chuan, "Goalkeeper chhungkua kan ni. Ka pa hi an hnathawhnaah goalkeeper a ni a, ka nu hi school kal laiin handball a khel ṭhin. Ka pu hi amateur team-ah goalkeeper a ni. Ka u hi goalkeeper a ni a, keipawhin goalkeeper nih hi ka châk phah," tiin keeper a nih chhan a sawi.

Alisson leh a u Muriel te hi Brazilian club Internacional aṭangin an inzir chhuak. Kum 34 mi Muriel hi Fluminense tan a khel mek a, Alisson hi Liverpool innghahna a ni thung.