Real Madrid dah sangtu Sterling

Manchester City forward Raheem Sterling chuan Real Madrid chu club ṭha tak an nih thu a sawi a, hetihrual hian a club khelhna City-ah a hlim thu a sawi zui. 

Premier League club City hi UEFA chuan tun hnaiah kum hnih chhung European football khel thei lo turin a hrem a, an player pawimawh Sterling hi Real nen sawizawm nghal a ni. 

Sterling chuan, "Tunah chuan City player ka ni a, he hmunah hian ka hlim hle. Mahse, Real hi team ṭha tak erawh an ni. An jersey var mawi tak ka hmuh hian an club hi eng ang tak nge an nih ka hrethiam nghal. Tunah chuan City tan contract ka nei a, chu chu ka zah tur a ni. Real hi club ṭha tak erawh an ni," a ti a, Spanish club lian hi pan a hnial lo niin a lang. 

Real Madrid leh Manchester City hi Nilaini zan dar 1:30 hian Champions League last 16 first leg-ah an intawng dawn a, City hian Santiago Bernabeu an lenchilh ang.