MFA Super Cup-ah team 21 tel dawn
Lalbiakliana Memorial MFA Super chu June 24 aṭangin khelh ṭan a ni dawn a, team 21 an inlan dawn.
MFA Super Cup-ah hian Chhinga Veng chu kum zawnin an champion a, tun ṭumah hian an inlan dawn lo. MFA thuneitute chuan champion lai tel theih loh chhan hi entry fee pek hun chhunga an pek hman loh vang a nih thu Vanglaini an hrilh.
Kumin Super Cup hi CYMA Football vangin ṭum dang angin team tel an tam lo. MPL club pariat aṭangin Chanmari FC, Aizawl FC, Mizoram Police FC, Electric Veng FC leh Chawnpui FC te an tel a, champion lai Chhingcows bakah Venghnuai FC leh Ramhlun North te an khel dawn lo.
Team 21 chauh tel mah se tualchhung football ngainatute tan chuan en châkawm tur a tam hle. S. Malsawmtluanga'n a coaching career chu MFA Super Cup aṭangin a ṭan dawn a, Chanmari a enkawl dawn. Chhinga Veng vawi hnih champion puitu Lalsangzuala Hmar chuan Electric Veng FC a enkawl dawn a, tawnhriat nei aia player beiseiawm ziaklut hnem Aizawl FC leh tawnhriat nei ṭha Mizoram Police inkhel hmuh a châkawm bawk.
Lawmman
Champion Rs 1,50,000/- + Trophy (Running Trophy)
Runners up Rs 50,000
Semi Finalists Rs 15,000
Quarter Finalists Rs 6,000
Round of 16 Rs 3,500
Round of 32 Rs 2,000
Fair Play Rs 15,000
Best Forward Rs 3,000 + Trophy
Best Midfielder Rs 3,000 + Trophy
Best Defender Rs 3,000 + Trophy
Best Goalkeeper Rs 3,000 + Trophy
Fixtures
ROUND OF 32
June 24, Nilaini
Bualpui FC 10:00 AM Darlung GSA
Lushai FC 12:00 PM Dinthar FC
Sihphir Venghlun FC 2:00 PM Chawnpui FC
June 25, Ningani
Thenzawl Dinthar FC 10:00 AM Mission Veng FC
Sangtei FC 12:00 PM Kanan FC
ROUND OF 16
Chanmari FC 2:00 PM Lily Veng FC
June 26, Zirtawpni
J&C FC, Hmunṭha 10:00 AM Lengpui FC
Aizawl FC 12:00 PM Youngstar FC, Kolasib
Mizoram Police 2:00 PM Sihphir Venghlun/Chawnpui FC
June 27, Inrinni
Bethlehem Vengthlang FC 09:00 AM LKS Hnahlan FC
Youngstar United FC, ITI Veng 11:00 AM Lushai FC/Dinthar FC
Electric Veng FC 01:00 PM Bualpui FC/Darlung GSA
Thenzawl Dinthar/Mission Veng 3:00 PM Sangtei FC/Kanan FC