Neymar an hnawt chhuak

Paris St-Germain chuan harsa takin Bordeaux 4-3 in an hneh hram a, forward Neymar chu hun tawp dawna hnawh chhuah a nih avangin French champion lawm a kim lo.

Ligue 1 hmahruaitu hi an match hnuhnung zawkah Amiens nen an inhnehtawk a, Champions League lamah Borussia Dortmund lakah 2-1 in an tlawm zui; tunah goal thum an chhuah leh avangin an dinhmun a ṭha tawk lo hle.

Edinson Cavani leh Kylian Mbappe ten goal khat ve ve an khung bakah Marquinhos chuan goal hnih a khung, mikhual Bordeaux tan Hwang Ui-jo, Nascimento de Castro leh Ruben Pardo ten an khung ve thung.

PSG captain Thiago Silva chu minute 17-na lekah hliam vangin lakchhuah a ni a, hun tawp hma deuhin Neymar chu Yacine Adli laka a chet dan mawi lo vangin yellow card vawi hnihna pek niin an hnawt chhuak.

Ligue 1 champion PSG hi an elpui ber Marseille chu Nantes lakah 3-1 in an chak lo, khelh 26 aṭanga point 65 hmuin an mahni hnaih bertu lakah point 13 zetin hma an hruai.