Chanmari 'thar' inlan hun
MFA Super Cup-ah vawiin hian sulhnu nei ṭha ber Chanmari FC an inlan dawn a, tlai dar 2:00-ah Lily Veng FC nen an inhmachhawn ang.
Chanmari hian Super Cup vawi ruk neih tawhah vawi hnih chiah final an khel lo a, vawi hnih an champion tawh bawk. Vawiin hi S. Malsawmtluanga hoa an match hmasa ber tur a nih avangin ngaihven a hlawh ang. CYMA Football-a Chanmari branch-in nomawi an chawi zawh chiah avangin an phur vanglai tak niin Chanmari 'thar' tiha sawi theih an ni.
Kumin hian Chanmari FC-in player ṭha an lalut a, chung zingah chuan David Lalrinmuana, Lalmuankima Hauhnar leh MS Dawngliana te an tel; an kawl sa zingah CYMA Football 2019 best player Rochhingpuia a tel bawk. Nimin inkhelah MFA Super Cup hmasa pahniha Chanmari FC nena nomawi inchuh Dinthar FC pawhin an khingpui Lushai FC chu 6-2 zetin an sawp. Maimawms hi ADFA First Division-ah an awm mek a, tun season-ah inla tharin MPL khelh leh tumin ṭan an la.
MFA Super Cup match hmasa berah Darlung GSA-in Bualpui FC 2-0 in an hneh a, MPL club Chawnpui FC-in Sihphir Venghlun 5-0 zetin an hneh bawk.
Results & Fixtures
ROUND OF 32
Nimin Inkhel Results
Bualpui FC 0 - 2 Darlung GSA
DAR : Ronny Lalengkima 28'; Biakhmingthanga 45'(P)
Lushai FC 2 - 6 Dinthar FC
LSFC: Richard 43'; Simon H. Lalremruata 44'
DFC: Lalmuanpuia 6'; Lalnunzira 22'; Chawngthansanga 26';
Samuel Laltlanthanga 53'; C. Lallawmsanga 82'; 86'
Sihphir Venghlun FC 0 - 5 Chawnpui FC
CHA : Lalnunmawia 6'; R. Lalhmachhuana 37';
Lalthanmawia Renthlei 45', 90+1'; Vanlalthlamuana 60'
Vawiin Inkhel Tur
Thenzawl Dinthar FC 10:00 AM Mission Veng FC
Sangtei FC 12:00 PM Kanan FC
ROUND OF 16
Chanmari FC 2:00 AM Lily Veng FC