Harh kan ngai - Pioli
AC Milan manager Stefano Pioli chuan harh thar an mamawh thu a sawi a, tun hnaia an inkhel hoah ball an chang tam lo leh goal an khung tlem chu siamṭhat vat a ngai tih a sawi bawk.
Season hmasa chawhnu lam aṭang khan Milan hi an khel ṭha tluang viau, season kal laiah pawh Serie A hmahruaitu an ni rei hle. Mahse, tun hnaiah an che sual zauh zauh, an elpui Inter Milan an ngam loh hnu phei chuan pahnihnaah an awm nghet.
Ningani zan khan Milan hian Europa League-ah Red Star Belgrade an hmachhawn a, inkhel pahnih belhkhawmah 3-3 in an inhnehtawk. Kualmuala goal khung hnem zawk vangin Milan hian last 16 an lut hram.
Milan manager Pioli chuan, "Ka naute hi an kum a la tlem deuh a ni mai thei, mahse an puitling tawh. Eng nge dik lo leh siamṭhat ngai lai chu an hria. Season kan hman tawh pumpui kan thlirkir a nih chuan lawmna tur tam tak a awm.
"Amaherawhchu tun hnaiah duhthusam ang result kan nei tawk lo, siam rem ngai lai hi a rang thei ang berin kan siamṭha ang," a ti.
Milan hian Pathianni zan dar 1:15 hian league match khel turin AS Roma an lenchilh dawn. Roma hi pathumna ni lai an ni a, champion tum ngam zinga mi an la nih avangin Milan tan fimkhur a ngai dawn hle.
Italy - Serie A
Zanin Inkhel Tur
Spezia 07:30 PM Parma
Bologna 10:30 PM Lazio
Hellas Verona 01:15 AM Juventus
February 28, Pathianni
Sampdoria 05:00 PM Atalanta
Crotone 07:30 PM Cagliari
Udinese 07:30 PM Fiorentina
Inter Milan 07:30 PM Genoa
Napoli 10:30 PM Benevento
AS Roma 01:15 AM AC Milan